CAGAYAN DE ORO CITY-Gipasalamatan ni Sr/Insp Zian Paul Cubil, company commander sa 104th Company sa Regional Mobile Force-10 ang mga residente sa Sitio Dalungdong, Brgy Dominorog, Talakag, Bukidnon tungod sa ilang kooperasyon aron makuha ang mga rasyon nga gipanag-iyahan sa mga rebeldeng New Peoples Army (NPA).
Siya miingon nga kung dili tungod sa suporta ug kooperasyon sa mga residente, dili nila makalotan ang 32 ka mga galon nga puno sa bugas, asukar, monggos ug asin.
Una nang gibutyag ni Cubil nga mga armadong tawo ang naglubong sa mga rasyon sa maong lugar.
Samtang gi-awhag ni PNP-10 spokesperson Supt Surki Serenias ang mga rebeldeng NPA nga nanag-iya sa ilang mga nakumpiska nga mahimo nila kining makuha gikan sa mga pulis.
Sumala ni Serenias nga ilang ihatag ug dili nila ipang-hangol ang mga pagkaon nga nakalotan kung kuhaon kini sa mga NPA.
Gibutyag usab niini nga kun ugaling walay mag-claim sa maong food supply, ila kining ipanghatag sa mga nanginahanglan.
