(Update) CAGAYAN DE ORO CITY- Gikuha na sa pamilya ang patay’ng lawas sa sakop sa rebeldeng New People’s Army o NPA nga napatay sa militar sa duha ka hugna nga engkuwentro sa Sitio Dugo-Dugo,Brgy Pelaez,Claveria,Misamis Oriental sa miaging adlaw.
Kini human nasudlan sa militar ang kampo sa Guerilla Front Committee 4-B sa NPA nga nakabase sa maong lungsod diin nag-resulta sa 15 minutos nga engkuwntro.
Gibutyag ni 1Lt Janelle Diaz,chief sa civil military operations o CMO sa 58th IB,Philippine Army nga nasublian pa ang engkuwentro dihang nasundan sa ilang tropa ang mga misibat nga rebelde sa Brgy Farmbugas sa maong lungsod.
Apan napatyan usab sa usa ka army corporal ang gobierno tungod sa maong engkuwentro.Nabawi gikan sa mga rebelde ang M16 rifle;AK-47 rifle;3 ka rifle grenades;8 ka magazines sa M-16 rifle;bomba;celphones,radyo ug detonating wires.
