CAGAYAN DE ORO CITY – Gikasuhan sa 58th IB,Philippine Army sa s Commission on Human Rights -10 sa pagsupak sa Human Rights and International Humanitarian Law ang lima ka tag-as nga opisyal sa CPP-NPA nga naglihok sa Misamis Oriental.
Miingon si 58th IB commander Lt Col Ricky Canatoy nga tungod kini sa pagsilbing responsable sa maong mga rebelde sa pagsunog sa civilian equipment nga iya sa Del Monte Philippines plantation sa Claveria ug quarry site sa Balingasag sa lalawigan niadtong Oktubre ning tuiga.
Kabahin sa ilang gikasuhan sila si Richard Mansegiano alias Macong, Budie Namatidong alias Kobe, Dedang Namatidong alias Nikkie,Reyna Namatidong alias Miray,Joren Domino alias Barman ug Manuelito Badilla alias Satur, Secretary sa Sub-Regional Committee Sub-Regional Committee-1 sa North Central Mindanao Regional Committee.
Kini na ang ikatulo nga pagkaso sa gobierno batok sa mga rebelde tungod sa pagsupak sa mga probisyon sa International Humanitarian Law.
