CAGAYAN DE ORO CITY – Wala kompirmaha sa kapolisan ang sketchy report nga pipila ka sundalo ang namatay sa init nga engkuwentro tali sa anaa 30 ka sakop sa communist terrorist group member sa CPP-NPA sa bukirang bahin sa Brgy Tikalaan,Talakag,Bukidnon.
Kini human natigayon ang 30 hangtod 45 ka minutos nga sinukliay sa mga bala tali sa 1st Special Forces Batallion ubos sa 403rd IB,Philippine Army batok sa mga rebelde sa maong lugar.
Miingon si Talakag Police Station commander Police Capt. Benjamin Alvarez nga bugtong nakaabot pa lang kanila ang impormasyon nga dunay sakop sa rebelde ang napatay sa militar sa maong engkuwentro.
Una usab niini,bisan ang tropa sa 103rd IB,Philippine Army nga nakabase sa Marawi City ang mitabang usab sa paggukod sa maong mga rebelde sukad sa Domingo sa udto.
