CAGAYAN DE ORO CITY – Wala pa huningi sa tropa sa 1st Special Forces Batallion ubos sa 403rd IB,Philippine Army ang kabahin sa 50 ka CPP-NPA combatants nga ilang gika-engkuwentro sa utlanang bahin sa Bukidnon ug Lanao del Sur.
Kini human unang napatay sa militar ang lalaki nga sakop sa NPA ug nabawi usab nila ang lima ka klase-klase nga kalibre sa armas sa tulo ka oras nga engkuwentro sa Brgy Ranao Ibaning,Amai Manabilang sa maong lugar.
Gibutyag ni 4th ID spokesperson Maj Francisco Garello Jr nga ang gika-engkuwentro nila ang kanhi naglihok sa Bukidnon ug nakasibog lamang padulong Lanao Sur epekto sa walay hunong nga focused military operation sa gobierno.
Namugos usab si Garello nga walay samaron o namatay sa ilang puwersa mismo sa maong engkuwentro sa miaging adlaw.
Kabahin sa mga armas nga nakompiskar ang Caliber 7.62mm General PurposeMachine Gun, M4 rifle, M16 rifle,M14 rifle,M1 Garand rifle ug ubang kagamitan gikan sa mga rebelde.
