CAGAYAN DE ORO CITY-Napatay sa militar ang usa ka sakop sa rebeldeng New People’s Army o NPA ug nabawi ang M-16 rifle sa Brgy Mahayag,Quezon,Bukidnon.
Kini human na engkuwentro sa 8th IB,Philippine Army ang wala matino nga gindaghanon sa mga rebelde samtang naglusad sa combat operation sa maong lugar.
Gibutyag ni 1Lt Erwin Bugarin,head sa civil military operations sa 8th IB,Philippine Army nga milungtad sa pipila ka minutos ang sinukliay sa mga bala diin na-rekober ang patay’ng lawas sa maong rebelde.
Gipasalig ni Bugarin nga magpadayon ang ilang ilusad nga operasyon batok sa mga rebelde aron manginabuhi nga malinawon ang mga sibilyan sa Bukidnon.
