CAGAYAN DE ORO CITY-Patay sa magkalahi ang oras ang magsilingan dihang pulos gipamusil sa lungsod sa Lagonglong,Misamis
Oriental.
Giila ni Lagonglong Police Station commander Police Insp Danilo Porpera ang unang biktima nga si Joy Carlo Canios,32 anyos nga
nagpuyo sa Brgy Umagos sa maong lungsod.
Miingon si Porpera nga dili pa nila masulti kon sakop sa rebeldeng NPA ang mi-ambush kang Canios ilabina nga nagsilbi usab kining lumilihok sa pikas grupo.
Samtang gipusil usab ang habal-habal driver nga si Jovannie Panhay, 29-anyos nga silingan ni Canios.
Gihimuan pa sa imbestigasyon ang duha ka kaso sa pagpamusil.
Samtang sa gihimakak ni Lt. Col. Anthony Derilo, commanding officer sa 58th IB,Philippine Army nga ilang asset si Canios,kinsa gipusil patay sa gitoohang New Peoples Army sa Logonglong ning lalawigan.
Miingon si Derilo nga wala sukad nila magamit sa ilang mga operation si Canios.
Dugtong pa ni Derilo nga wala pod nila sukad makita si Canios kay modagan kini sa panahon nga aduna sila’y operasyon.
Dugtong niini,nagtoo usab si Derilo nga pagpanglugos sa kauban niining rebeldeng babaye kaniadto ang gitudlong rason pagpatay kay Canios.
Gibutyag ni Derilo, nga base sa ilang nadawat nga report nga niadtong panahon nga anaa pa sa rebeldeng pundok si Canios gilugos niini ang iyang kaubang amasona.
Busa mao kini ang nakitang rason nga giambush siya nga miresulta sa iyang kamatayon.
