CAGAYAN DE ORO CITY-Kasuhan sa kompanyang Dole Philippines ang sakop sa mga rebeldeng New People’s Army o NPA nga mihimo’g pagsunog sa trak ug pagpamutol sa duha ka ektarya nga sagingan sa Valencia City,Bukidnon.
Kini human natumbok na sa kapolisan ug militar ang grupo sa mga NPA nga mihimo’g pag-atake sa maong kompanya.
Miingon si Valencia City Police Station commander Police Supt Ritchie Yandug nga kasong arson ug destruction of property ang iandam nila nga ipasaka batok sa mga rebelde sa piskalya sa Bukidnon ning semanahan.
Nagkantidad sa 13 milyon pesos ang initial nga damyos sa kasagingan ug trak nga gidauban sa mga rebelde.
