CAGAYAN DE ORO CITY-Napatay sa engkuwentro ang taas nga opisyal sa rebeldeng New People’s Army o NPA samtang laing duha ka sundalo ang samaron sa Sitio Narvasa,Brgy Pinilayan,Tagoloan Dos,Lanao del Sur.
Kini human nasugat sa 65th Infantry Stalwart Batallion,Philippine Army ang 70 ka miembro sa Guerilla Front Committee 68 samtang naglusad sa focused military operations sa lugar.
Miingon si 65th IB spokesperson 1Lt Crescelle Renoblas nga du-ag usa ka oras ang engkuwentro nga natigayon sa duha ka hugna hinungdan napatay ang top NPA official sa lugar.
Narekober sa encounter site ang AK-47 ingon man M-16 rifles;magazines sa AK-47 nga dunay mga bala,14 ka backpacks,27 ka sako sa bugas,medical supplies ug mga dokumento sa mga NPA.
Hinoon,dili grabe ang mga igo sa sundalo samtang padayong gigukod nila ang mga nakasibat nga mga rebelde.
