CAGAYAN DE ORO CITY- Napiangan ang kalihukan sa rebeldeng New People’s Army o NPA nga naglihok sa Western Mindanao Region.
Kini human isulti sa militar nga napatay nila sa engkuwentro ang kalihim sa Guerilla Front Sendong nga naila nga si alyas Nasi o Felix sa Ozamiz City,Misamis Occidental.
Miingon si AFP Western Mindanao Command spokesperson Maj Arvin Encinas nga napatay si alyas Nasi dihang natigayon ang ikaduhang engkuwentro sa Brgy Cogon sa maong lugar.
Kasuhan usab sa kapolisan ang pito ka NPA rebels nga nadakpan dihang kini nangadakpan sa joint miitary ug police operations sa Brgy Bagacay ug Cogon niadtong kadlawon sa Domingo.
Nasamdan usab ang duha ka sundalo samtan daghag armas ug ubang kagamitan sa NPA ang nabawi sa maong engkuwentro.
