CAGAYAN DE ORO CITY-Gipanalipdan karon sa rebeldeng New People’s Army o NPA kon nganong gihukman nila sa kamatayon ang giila nila nga bandido nga naglihok sa Brgy Tigkalaan,Talakag,Bukidnon kagahapon sa buntag.
Namugos ang NPA ng nambigit sa kasong pagpatay ug pagpangawat sa kabtangan ang biktima nga si Lito Atoy diin daghang mga tawo ang nag-reklamo batok kaniya.
Sa eksklusibong interbyu sa Bombo Radyo sa wala nagpailang NPA amazona, gipamugos niini nga paghatag sa hustisya sa mga tawong gidaug-daog niini ang ilang gihimo nga pagpatay kaniya kagahapong adlawa sa maong dapit.
Samtang gitawag ni 403rd IB,Philippine Army spokesperson Capt Norman Tagros nga basura ang mga rason sa rebeldeng NPA kabahin pagpatay sa sibilyan nga si Lito Atoy sa lungsod sa Talakag,Bukidnon.
Miingon si Tagros nga angay masayran sa katawhan nga kapila na gibalik-balik ang maong mga rason matag-panahon nga sila makahimo’g pagpatay sa kinabuhi sa tawo.
Gihimong pananglitan niini ang pagpatay sa mga NPA sa mayor sa lungsod sa Impasug-ong ug ang pipila ka lumad liders nga supak sa ilang pagpanglupig.
