CAGAYAN DE ORO CITY – Nagtoo ang militar nga pagpanimalos ang gihimo sa mga rebeldeng New Peoples Army rason nga gisunog ang usa ka simbahan ug upat ka balay sa Zone 2, Limonda, Opol, Misamis Oriental kagahapon sa kadlawon.
Gibutyag ni 403rd Brigade Philippine Army spokesperson Capt. Rene Belmonte nga sa wala pa nahitabo ang pagpangsunog,nagka- engkwentro una sa boundary sa Iligan City.
Dugang ni Belmonte nga nakasibog ang mga armado nga gipangulan sa usa ka alyas Decoy.
Miingon si Belmonte nga nagpadayon ang ilang gihimong man hunt operation batok sa mga responsableng anaa sa napulo ka tawo.
