CAGAYAN DE ORO CITY- Mipalugwa sa pamahayag ang pundok sa New Peoples Army North Central Mindanao Region o NPA-NCMR sa Bombo Radyo batok sa giingong kahiwian nga mahimo ni Technical Sergeant Joseph Valmores Paredes.
Ulahing gidagit sa NPA si Paredes sa Valencia City,Bukidnon niadtong Mayo 5.
Matud sa sinulat sa nagpailang tigpamaba sa NPA-NCMR nga si Ka Malen Mabini nga usa si Paredes sa gireklamo sa daghang ihap sa mga residente sa Valencia City nga gapangilkil ug gapangdagmal sa ilang dapit.
Kini ang rason nga dili una nila ibalik sa pamilya ni Paredes ang ilang dinakpan kay gipaubos pa nila sa masusing imbestigasyon ang kapasan nga nahimo niini taliwala nga siya usa siya ka opisyal ug aktibong sakop Philippine Army.
Hinoon, gigarantiya ni Ka Malen nga anaa sa maayong kahimtang ang panglawas sa ilang dinakpan ug wala nila kini gidagmalan.
Makalaum usab ang pamilya ni Paredes nga ilang i-uli ang bihag human nga mapamatud-ang wala siyay nalapas nga tawhanong katungod.
