CAGAYAN DE ORO CITY- Nangayo karo’g 10 ka adlaw ang rebeldeng New People’s Army o NPA sa militar ug kapolisan nga ihunong una ang opensiba batok kanila sa lima ka lungsod ug duha ka syudad sa Bukidnon.
Gibutyag ni IFI Bishop Felixberto Calang nga mismo sila si Archdiocese of Cagayan de Oro Bishop Antonio Ledesma ug ubang lideres sa simbahan ang nagdala sa sulat-hangyo sa NPA sa 4th ID,Philippine Army alang sa katuyuan.
Si Calang miingon nga tuyo sa hangyo sa NPA nga luwas sila makabalik sa ilang kota samtang buhian na si PO2 Gerome Anthony Natividad kinsa unang nadagit sa Talakag,Bukidnon sa miaging Pebrero 2017.
Samtang gibasura sa 4th ID,Philippine Army ang demanda sa mga NPA nga ipatuman ang 10 ka adlaw nga suspension of military operation o SOMO sa 7 ka lugar sa Bukidnon.
Kini bisan nga gipasalig sa mga rebelde nga buhian na nila si PO2 Gerome Anthony Natividad nga nagsilbing prisoner’s of war sukad pa Pebrero ning tuiga.
Gibutyag ni 4th ID spokesperson Capt Joe Patrick Martinez nga wala kanila ang gahom aron sundon ang demanda sa mga rebelde.
