CAGAYAN DE ORO CITY-Gisalikway sa medic officer sa rebeldeng New People’s Army o NPA ang mga doktrina nga gitudlo kanila sa Communist Party of the Philippines o CPP diha sa Impasug-ong,Bukidnon.
Miingon si 403rd IB,Philippine Army commander Col Edgardo de Leon nga giila ang amasona nga mitahan balik sa gobierno nga si alyas Jamaica,27 anyos,minyo ug nagpuyo sa maong lungsod.
Dugang ni De Leon nga bitbit pag-surender ni Ka Jamaica ang carbine caliber 30 nga dunay magazine kagahapong adlawa.
Gibutyag usab ni Ka Jamaica nga gisalikway niya ang gisudlan nga kalihukan kay kutob ra sa tam-is nga mga saad ang CPP-NPA rason nga minaug kini aron ikauban ang iyang tulo ka anak.
Nadasig si Ka Jamaica pagsalikway sa CPP-NPA kay nakita niini nga sensiro ang gobierno paghatag sa programa sa panginabuhian sa mo-surender nga mga rebelde.
