CAGAYAN DE ORO CITY – Nailog sa militar ang kampo sa rebeldeng New People’s Army o NPA nga naglihok sa Upper Pulangi,Malaybalay City,Bukidnon.
Kini human ang tunga sa oras nga engkuwentro tali sa 8th IB ug mga rebelde sa maong lugar.
Gibutyag ni 403rd IB commander Brig Gen Ferdinand Barandon nga nakuha sulod sa kampo ang mga bala sa caliber 60 machine gun ingon man sa M203 nga armas.
Hinoon,pulos walay mga samaron sa duha ka panig sulod sa maong engkuwentro.
Una usab niini,gibutyag ni 58th IB commander Lt Col Ricky Canatoy nga nailog usab sa ilang tropa ang pila ka kagamitan sa rebelde nga na engkuwentro nila sa Lagonglong ning lalawigan.
Kini gawas sa ilang napatay nga sakop sa rebelde ug pagka-rekober sa armas ug ubang kabatangan sa miaging upat ka hugna sa engkuwentro.
