CAGAYAN DE ORO CITY-Nailog sa militar ang duha ka main hideout sa rebeldeng New Peoples Army o NPA nga nahimutang sa Kalatungan Range nga nahimutang sa boundary sa Misamis Oriental,Bukidnon ug Agusan provinces.
Gibutyag ni 403rd IB,Philippine Army civil military officer Captain Marcelino Quijano nga na-engkwentro sa ilang tropa ang mga rebelde human ang gipahigayon nga paghulog sa siyam ka high explosive rockets padulong sa mga kota sa rebelde.
Nakumpiskar nila sulod sa hide outs ang rifle grenade, mga bala,gamit sa pagpamomba,mga submersibong dokumento ug usa ka generator set.
Hinoon,walay namatay sa panig sa militar apan nagtoo sila nga may mga samaron sa misibat nga mga rebelde tungod sa mga dugo nga nakita sa sulod sa mga hideout
.Nasayran nga duha ka engkuwentro ang natigayon isip kabahin pagpuhag sa militar sa mga rebelde sa Bukidnon.
