Natumbok na sa National Security Council (NSC) sa Pilipinas kung kinsang mga kandidato sa Mayo 2025 nga piliay ang target sa "keyboard warriors" nga gipondohan sa China.
Namahayag si Jonathan Malaya, assistant director general sa National Security Council (NSC), nga usa si Senate Majority Leader - Senador Francis Tolentino sa target sa troll operation sa Biejing.
Kagahapon, dungan nga gikondinar sa senado, ubos sa Senate Special Committee on Maritime and Admiralty Zones, ang pagpanginlabot sa China sa nagkaduol nga piliay sa nasud.
Mipabati sa ka-alarma si Senator Joel Villanueva, ilabe na nga dili na ikakurat ang pagmuntar sa China sa ilang mga espiya sa Pilipinas, ug gitoohang binayran kini sa mga politko nga Pro-China.
