Supak ang International League of People’s Struggle (ILPS) Philippines sa Pax Silika ug ang pagpatuman niini pinaagi sa gitawag nga Economic Security Zone.
Gitin-aw ni Arnold Padilla, tigpamaba sa maong grupo, nga ang proyekto naglangkob og 1,600 ka ektarya sa yuta nga posibleng makontrolar sa mga Amerikano alang sa high-tech nga manufacturing ug pagproseso sa mga minerales.
Dugang pa niya, makababag kini sa soberanya ug patrimonya sa nasud ilabi na kung hatagan ang mga Amerikano og extraterritorial jurisdiction sa maong dapit.
Bisan pa man sa pamahayag sa Bases Conversion and Development Authority nga ilang gibalibaran ang hangyo sa mga Amerikano, nagpadayon gihapon ang negosasyon tali sa duha ka nasud.
Tungod niini, gikabalak-an sa grupo nga magresulta kini sa grabeng pagpangawat sa likas nga yaman sa Pilipinas alang sa industrial ug military nga katuyoan sa Estados Unidos.
