CAGAYAN DE ORO CITY – Dili angayang wad-on ang naglihok ug daghan nang natabangan nga National Task Force to End Local Communist Armed Conflict o NTF-ELCAC nga tinukod sa kanhi administrasyon ni former Pres Rodrigo Duterte.
Kini ang tubang ni DILG 10 asst regional director Yvette Sunga kabahin sa walay hunong nga sugyot sa mga progresibong pundok nga wad-on na ang maong task force kay giingong walay natabang sa katawhan sa nasud.
Miingon si Sunga nga sukwahi sa gipatoo sa maong grupo,pinaagi sa task force daghan ang natubag nga mga suliran sa kabaryuhan rason nga sunod-sunod ang pagpang-surender sa Communist Party of the Philippines -New People’s Army o CPP-NPA balik sa gobierno.
Hisayrang tungod sa pagpatuman sa task force,milihok ang tanang buhatan sa gobierno aron sak-on ug sudlon ang mga suok nga bahin sa Pilipinas diin direktang gitunol ang mga serbisyo nga nagsilbing dakong kapildihan sa dugay’ng pagpanglanses sa mga rebelde sa kabukiran.
