CAGAYAN DE ORO CITY, Philippines – Natagak na sa ika-4 nga puwesto ang 2023 NBA champion Denver Nuggets, sa nagpadayong liga sa Western Conference.
Sa miaging Abril 2, gipalukapa sa Minnesota Timberwolves sa double overtime, ang Nuggets ug natapos ang dula sa final score 140 – 139.
Kagahapon, subling nakatilaw sa kaparutan ang Nuggets human kini gilampurnas sa San Antonio Spurs sa final score 113 – 106.
Nahimong yawe sa kadaugan sa Spurs ang pag-absent sa korte ni 3-time NBA MVP Nikola Jokic tungod sa injury. Nahimong best player sa dula si Russell Westbrook nga mitala sa iyang 30 points ug 11 rebounds.
