CAGAYAN DE ORO CITY – Gihan-ay na sa grupong National Union Journalists of the Philippines ang mga kaso nga ipasaka sa utok sa pag-red tag kanila isip mga supporter ug sakop sa CPP-NPA.
Kini human ulahing giakusahan nga sakop sa CPP-NPA sila si Froilan Gallardo ug Cong Corrales pinaagi sa mensahe nga gipadala pa sa usa ka commercial courrier ning syudad.
Partikular si Corrales kinsa associate editor sa Mindanao Goldstar Daily ang giakusahan pinaagi sa sulat nga gipaagi sa LBC nga kumander sa CPP-NPA ug may patong nga P1milyon sa ulo tungod sa pasangil nga pagpanglugos didto sa Caraga Region.
Apan ang maong pasangil kusganong gihimakak sa duruha ka beteranong manunulat ug nanganti nga dili magpa
Miingon si NUJP Northern Mindanao President Pamela Jay Orias nga ikalipay nila nga matumbok sa militar ug kapolisan kon kinsa ang tinud-anay nga utok sa red tagging batok kanila.
Una nang gidudahan sa gobierno nga mismo ra ang CPP-NPA ang mihimo’g red tagging aron maguba ang maayong relasyon sa media ug militar dinhi sa rehiyon.
Gihimo ni Orias ang pahayag nunot sa ikaduhang dayalogo mismo gipatawag ni 4th ID,Philippine Army kuyog ang Police Regional Office -10 sa usa ka restaurant aron ituki ang maong suliran ning syudad kagahapong adlawa.Si Orias ang giakusahan nga CPP-NPA supporter pipila ka adlaw gikan sa iyang paglingkod isip top officer sa NUJP-NorMin.
Apan ang maong pasangil hugot niining gihimakak ang pasangil.
Dumduman nga tungod sa paspas nga reaction sa local media sa hitabo kang Orias,napugos ang utok sa maong red-tagging paghaw-as niini atubangan sa publiko.
