Hugtanon nga gisupak ni Atty. Katherine Panguban, gikan sa Women and Children Committee sa National Union of Peoples’ Lawyers, ang sugyot nga paubsan ngadto sa 10 anyos ang edad sa bata nga manubag sa balaod.
Sumala sa iyang pahayag, ang maong lakang mahimong usa ka dakong pag-atras sa atong justice system nga angay untang magpabilin nga restorative ug nagtutok sa kaayuhan sa mga bata.
Dugang pasabot sa abogado, ang mga bata sagad nga biktima lamang sa sayop nga paggabay sa mga hamtong, busa mas angay nga kadtong mga adult nga nagpaluyo sa ilang mga lihok ang manubag.
Alang kaniya, kinahanglan nga tutokan sa kagamhanan ang saktong paggiya sa kabataan imbes nga silutan sila tungod sa mga sayop nga gikan sa impluwensya sa mga hamtong.
