CAGAYAN DE ORO CITY-Patay ang duha ka motorista sa pagka-disgrasya sa gisakyang motorsiklo samtang gisubay ang approach sa tulay sa Tagoloan,Misamis Oriental kaganihang kadlawon.
Namatay sa aksidente ang registered nurse nga si Genson Agelor,26 anyos,may kaipon ug nagpuyo sa Brgy Poblacion sa maong lungsod.
Nadala pa sa ospital apan nakabsan gihapon sa kinabuhi ang backride ni Agelor nga si Dindo Bayotas nga taga-lungsod sa Jasaan ning lalawigan.
Nasayran sa kapolisan nga padulong sa Brgy Sihayon ang mga biktima sakay sa motorsiklo sa dihang nahitabo ang dugu-ong disgrasya.
Dead on the spot si Agelor diin nanggawas pa ang internal organ niini atol sa hitabo.
Giingong mismo kaugalingong lihok ra sa mga biktima ang nakapa-disgrasya kanila nga naghatod sa hinanali nila nga kamatayon.
