Nanawagan ang mga propesor sa akademe sa obhetibo ug transparent nga pagtimbang sa mga ebidensya sa nagpadayong impeachment trial batok sa Bise Presidente.
Kini human maobserbahan ni Ateneo de Davao University Professor Christopher Ryan Maboloc nga daw adunay pre-judgment o nahuman na daan ang hukom sa pipila ka Senator-Judges bisan wala pa matapos ang husay.
Gipasabot ni Maboloc nga ang bugtong gipangayo sa publiko ug sa akademe mao ang hustisya nga nakabase sa sakto nga pagpatuman sa due process.
Busa gibarugan sa propesor nga ang katungod sa matag testigo ug ang paggawas sa kamatuoran ang kinahanglang maghari sa impeachment court ug dili ang pamolitika o personal nga pangatake sa mga testigo.
