CAGAYAN DE ORO CITY – Ebalhog na sa regular jail sa dili madugay ang kontrobersyal nga si Lapasan Baptist Church Bishop Dimver Andales kuyog si Pastor Jether Nonot sa Brgy Lumbia ning syudad.
Kini human gimando ni RTC Branch 39 Presiding Judge Marites Bernales ang pagdakop sa duruha tungod sa kasong pagpapatay kang MR.C CAGAYAN DE ORO candidate Adrian Fornillos sa Brgy Nazareth sa syudad sa miaging Mayo ning tuiga.
Mismo si City Police Director Police Col. Salvador Radam ang misilbi sa warrant of arrest batok kang Andales sulod sa ilang simbahan sa Brgy Lapasan ning syudad kaganihang buntag.
Una nang namahayag kaniadto si Regional State Prosecutor Merlynn Uy nga dunay certainty of conviction ang gihuptan nila nga kaso batok kang Andales hinungdang nasang-at sa korte ang reklamo.
Dumduman nga interbyu sa Bombo Radyo,kusganong gihimakak ni Andales nga siya ang sugar daddy sa uyab nga babaye ni Fornillos ug dili usab daw niya mabuhat ang pagpatay sa usa ka tawo.
Dugtong niini,namahayag amahan nga is Nonoy Fornillos nga naibta’g gamay ang ilang gibati nga kasakit sa pamilya tungod sa pagka-pusasi na mga sinumbong sa maong kremin.
Samtang gipakalma sa panig ni Andales ang publiko ilabina ang ilang mga dumadapig bisan kon gidakop na kini sa korte tungod sa kasong murder sa kamatayon ni Fornillos ning syudad.
Kini ang reaksyon sa abogado ug tigpamaba ni Andales na si Atty Rhobert Maestre nunot sa pagkasikop sa ilang kliyente subay sa mando sa korte.
Miingon si Maestre nga wala pa mahuman ang boksing ug gipangandaman na nila ang dakong away niini sa legalidad pag-abot sa case trial sa hukmanan.
Siya miingon nga ang boluntaryo nga pagtahan ni Andales sa kapolisan ug ilhanan nga kini inosente ug walay kalabutan sa kamatayon ni Fornillos.
