CAGAYAN DE ORO CITY – Obligasyon sa mga pamilyang Pilipinhon nga madawat ug masabtan sa bag-ong henerasyon ang nakab-ot nga tam-is nga demokrasya nga gisulaya’g hikaw sa tropang Hapon pinaagi sa ilang pag-ulipon sa Pilipinas may 83 ka tuig na ang milabay.
Kini usab ang gipaabot nga mensahe ni kanhi City Mayor Oscar Moreno kinsa kabahin ang ilang uyu-an nga si Rodolfo Moreno nga nagsilbing sundalo nga nakigbatok sa tropang Hapon ug naapil sa death march sa Bataan sa ikaduhang gubat sa kalibutan.
Namahayag ang propesor sa kursong abogasiya sa dakong unibersidad sa syudad nga dili angay mausik ang gibuhisa’g kinabuhi sa mga beterano apan bugtian sa pagbuhat sa katarong nga mo-resulta sa dugang kaugmaran alang sa katawhan nga gisilbihan sa kagamhanan.
Gihisgutan kini sa kanhi mayor atoll sa iyang pakighinabi serye sa diin gipaminaw niini ang mga yangu-ngo sa Association of Public Elementary Schools nga gihimo sa usa ka tunghaan sa Brgy Consolacion sa syudad kagahapong adlawa.
Gilayong gitubag usab ug gipasalig ni Moreno nga mahatagan sa katumanan ang mga hangyo sa grupo ug mabuligan ang ilang linya sa May 12 ning tuiga.
