Gilauman ni Political Science Expert Atty. Proculo Sarmen ang mga Pilipino nga gamiton ang ilahang na-obserbahan karon sa pagpili sa ilahang botaran nga kandidato sa sunod nga election.
Sumala kang Sarmen nga hinaut unta nga himuo’ng basehan sa katawhan ang “public opinion” ug ilahang obserbasyon sa pag-evaluate alang sa sunod nga election.
Matud pa ni Sarmen nga kon pananglitan nga wala’y ma-impeach o mu-resign nga opisyal karon, hulatan nato ang sunod nga election diin magamit na ang “supreme power of the people” nato’ng mga Pilipino nga botaran ang tarong ug dili kurap nga mga kandidato, nga dili lang botaran mahitungod sa kwarta.
Subay kini sa nagkadako nga isyu bahin sa 3-ka gipasaka nga impeachment cases batok kang Presidente Ferdinand Marcos Jr. (Phillip Ariata, James Oliver, Jane Mae Abulag)
