CAGAYAN DE ORO CITY – Gikalipay ni kanhi City Mayor Oscar Moreno ang pagsilbing overall ranked number 6 most competitive sa syudad ubos sa highly urbanized cities sa tibuok nasud.
Kini ang reaksyon ni Moreno kinsa nagbalik-lantaw sa mga dagkong mga proyekto ug gipatuman nga mga inobasyon aron basihan sa Cities and Municipalities Competitive Index Cycle Awarding Ceremony.
Miingon si Moreno nga dili niya igsapayan nga angkonon ni City Mayor Rolando ‘Klarex’ Uy ang maong dungog kay tataw man nga dakong porsiento sa gibasehan ang gikan pa sa kanhi administrasyon.
Hisayrang nagsugod sa katungdanan sa Klarex sa tuig 2022 isip hulip sa naupos na nga termino ni Moreno sukad tuig 2013.
