CAGAYAN DE ORO CITY – Nanganti si kanhi City Mayor Oscar Moreno nga daw ibalik ang pagsilbing desente sa dungog sa dakbayan.
Kini human akusahi sa kanhi mayor nga nag-atubang sa mis-management ang syudad ubos sa liderato ni incumbent City Mayor Rolando ‘Klarex’ Uy.
Nagsumikad ang komento ni Moreno sa wala na pag-renew sa ubay-ubay’ng job order workers sa city hall kay daw gipulihan sa mga alyado sa mayor nga adunay koneksyon sa polititka.
Siya miingon nga hinoon,duol na daw nga mahupas ang unang termino ni Klarex pinaagi sa paghukom sa katawhan sa piliay sa Mayo 12 ning tuiga.
Una nang namugos si Klarex nga kon adunay nahitabo nga mismanagement sa city hall,kini dili sa iyang panahon apan sa siyam ka tuig daw nga paglingkod ni Moreno.
