CAGAYAN DE ORO CITY – Gihulagway ni kanhi City Mayor Oscar Moreno nga walay hanaw si City Mayor Rolando ‘Klarex’ Uy kabahin sa 20 million pesos nga balor sa cold storage facility nga gitukod sulod sa city engineering compound sa Brgy Kauswagan ning syudad.
Kini human niya basula si kanhi City Mayor Oscar Moreno kon nganong wala tiwasa ang maong proyekto nga alang sa mga produktong agrikultura sa mga mag-uuma sa Northern Mindanao.
Miingon si Moreno nga yuta lang ang kontribusyon sa dakbayan sa maong proyekto ug iya sa Department of Agriculture ang pondo nga gigamit pagtukod sa building ug mismong MONOLITHIC DOME COLD STORAGE facility niadtong tuig 2022.
Siya miingon nga dugay ra unta nahuman ang maong proyekto kon gigamit pa ni Klarex ang iyang inisyatiba pagkutay sa DA alang niini.
