CAGAYAN DE ORO CITY – Paglinggawas sa mga gapos gikan sa hilabtunon nga city govt sa mga kalihukan ang COWD ang gihimo sa LWUA subay sa mando gikan kang Pres Bongbong Marcos.
Kini ang komento ni kanhi City Mayor Oscar Moreno nunot sa full takeover sa COWD operations nga dugay nang nagsagubang sa daghang suliran nga naglakip sa isyu sa minilyong bayrunon sa tubig ngadto sa kompanyang MetroPac-COBI.
Miingon si Moreno nga obligasyon sa L WUA nga magbaton sa klaro nga resulta sa ilang COWD takeover aron dili usab sila pangitaan sa katawhan pag-abot sa panahon.
Samtang kutob lang sa pagtudlo’g board of directors ang mahimo ni City Mayor Rolando ‘Klarex’ Uy sulod sa Cagayan de Oro Water District o COWD sa syudad.
Sukwahi kini sa gipamugos ni kanhi City Mayor Oscar Moreno nga mani-obra ni Uy ang pagdumili sa COWD nga bayran ang obligasyon niini ngadto sa MetroPac-COBI aron dunay pagpuli sa laing water supplier sa syudad.
Miingon si Janboy Actub,tigpamaba sa buhatan ni Uy nga walay labot sa internal operations sa COWD ang city govt.
Giklaro usab ni Actub nga dili kontrolado sa mayor kon unsa man ang gihimo sa regular board of directros COWD ngadto sa LWUA ug interim officials sa maong isyu.
