CAGAYAN DE ORO CITY – Gisugyot ni kanhi City Mayor Oscar Moreno ngadto upat ka kongresista nga nakabase sa syudad ug sa Misamis Oriental nga mogahi’g kurambos nga pondo aron masulbad ang sulirang-pinansyal sa Cagayan de Oro Water District.
Kini aron dili na masinatian nga maputla’g suplay sa tubig ang katawhan sa distrito uno kay nagmagahi’g bayad sa COWD ngadto sa minilyong bayrunon sa Cagayan de Oro Bulk Water Incorporated o COBI.
Miingon ang kanhi mayor nga iya usab hinabion ang pipila ka senador nga tabangan ang suliran sa panubig sa dakbayan.
Dugtong niini,gidawat ug himua’g aksyon ni Cagayan de Oro 1st District Cong. Lordan Suan ang sugyot ni Moreno nga mag-kurambos ang upat ka kongresista aron makatigom sa pondo nga magamit sa rehabilitasyon sa COWD.
Miingon si Suan nga hisgutan nila kini kuyog sila District 2 Cong. Rufus Rodriguez ingon man Cong. Christian Unabia sa distrito uno ug Cong. Bambi Emano sa segundo distrito 2 aron sigurado na ang panubig sa syudad.
Gawas niini,hangyoon usab ni Suan si Pres Bongbong Marcos pinaagi kang House Speaker Martin Romualdez nga pondohan sa alokasyon alang sa infra-projects ang COWD.
