CAGAYAN DE ORO CITY – Gitambagan ni kanhi City Mayor Oscar Moreno ang duha ka nagkabanging kampo sa Cagayan de Oro Water District o COWD mngt nga tahuron ang sulti sa balaod.
Kini human mi-resulta sa komosyon ang pugsanong pagsulod sa grupo ni interim COWD General Manager Fermin Jarales kay gipangkuha ang mga dokumento sulod sa iyang opisina nga giharang usab sa mga empleyado nga panig sa regular mngt.
Miingon si Moreno nga ubos sa batakang balaod, dili pa pinal ang gipakanaug nga hukom sa korte nga wala pag-ila sa LWUA takeover nga dumalahon ang COWD.
Kini tungod kay aduna pa’y 15 ka adlaw gikan sa paglugwa sa hukom nga maka-apelar ang panig ni Jarales ug hayan mosaka pa kini didto sa Court of Appeals Mindanao o CA-Mindanao.
