CAGAYAN DE ORO CITY – Dili na unta kinahanglan apan basin mas gikinahanglan pa sa katawhan ang klase sa mga serbisyo nga nahatag ni kanhi City Mayor Oscar Moreno sa dakbayan sa milabay’ng siyam ka tuig.
Kini ang rason nga padayong nangunsulta ug nakighimamat si Moreno sa nagkadaiyang sector aron matimbang kon balikan ba niini ang serbisyo-publiko sa gobierno.
Miingon ang kanhi mayor nga kanunay ang ilang koordinasyon sa kampo ni PADAYON PILIPINO Party Cagayan de Oro chapter chairman 1st District Cong. Lordan Suan alang sa mga isyung politikanhon.
Si Moreno ang nahugon-hugon nga dad-on sa Partido nga ipadagan batok grupo ni City Mayor Rolando ‘Klarex’ Uy samtang posibleng iyang bise-mayor si Kag. Yvy Emano o Kag. Ian Mark Nacaya.
Hisayrang kon mahinayon ang pagdagan ni Moreno,ikasangka niini si Klarex ug bisan si kanhi Phividec administrator Jose Gabriel ‘Pompee’ La Viña nga dugay nang nagpadayag sa pagbalik-lansad sa piliay.
