CAGAYAN DE ORO CITY -‘ Never burn the bridges.’
Kini ang mensahe ni kanhi City Mayor Oscar Moreno sa naglisod pa’g dawat sa panag-uli nila sa pamilyang Emano nga anaa sa luyo sa partidong Padayon Pilipino sa syudad ug lalawigan.
Gihimo ni Moreno ang pagpasabot nunot sa pipila ka pagsupak nga siya ang gipadagan sa paartido pagka-mayor batok kang incumbent City Mayor Rolando ‘Klarex’ Uy.
Siya miingon nga hulaton niya ang ensaktong higayon nga andam na ang mga Emano nga sila magka-atubang nga unang naundang tungod sa init nga bangi sa politika nila kaniadto ni late City Mayor Vicente ‘Dongko’y Emano sa syudad.
Giangkon niini nga managsama sila nga nangasakitan tungod sa banging politika kaniadto ni Emano hangtod kang Misamis Oriental District 2 Cong. Bambi Emano.
Apan dunay panahon alang sa subling panagtakdo sa ilang mga pagbati.
