CAGAYAN DE ORO CITY – Dili ensakto ang gi-adaptar nga proseso sa impeachment court diin nahukman nga ipa-rebyo una sa mga taga-kamarabaha ang unod sa impeachment complaint nga giatubang ni Vice Pres Sara Duterte sa senado.
Kini bisan pa sa pagpamugos nila opposition Senators Koko Pimentel ug Risa Hontiveros nga angay nang masugdan ang pagtaral kang VP Sara kay maoy nalatid sa batakang balaod.
Apan namahayag si XU -Ateneo de Cagayan Law Professor Atty. Oscar Moreno nga daw nagsilbing maalamon o ‘Solomonic’ usab ang gihimong lakang sa senado.
Kini tungod kay maoy gusto unta ni Senador Ronald de la Rosa nga hingpit nang ibasura ang mga krelamo batok VP Sara.
Maoy gihimo ni Sen Alan Peter Cayetano nga gi-amendar ang resolusyon ni De la Rosa ug gisuportahan sa 18 ka kaubang mga senador nga ibalik na lang sa kamara kaysa hingpit ibasura.
Kini tungod kay alang kang Moreno aron dili mogawas nga naghinobra ang pagka-garapal sa ilang gihimo sa mga reklamo batok kang Inday Sara.
Hinoon,dagha’g opsyon ang kamara sa angay nila buhaton kabahin sa articles of impeachment nga giatubang ni Duterte.
