CAGAYAN DE ORO CITY – Pagsalbar na lang sa dakong kaulawon kay nasapon sa ilang nga motibo ang pagpangayo sa city government sa korte sa temporary restratining order batok sa temporaryong paghunong-suplay sa tubig sa Cagayan de Oro Bulk Water Incorporaed o COBI sa Cagayan de Oro Bulk Water Incorporaed o COWD.
Miingon si Moreno nga bistado na ang katuyuan sa city hall rason nga bisan unsa na lang ang gihimo niini aron dili tulisukon sa katawhan.
Namahayag ang kanhi mayor nga tungod sa pag-intervene ni Pres Bongbong Marcos sa disputed payables sa COWD ug COBI,napanas usab ang personal-interes sa city govt ngadto sa kompanya nga iya sa negosyanteng si Manny V. Pangilinan.
Una niini,gipasigarbo ug gipamugos sa panig ni City Mayor Rolando ‘Klarex’ Uy nga ang gilugwa nga TRO ug paglugway niini sa 20 ka adlaw sa korte ang nakapa-balik sa COBI nga ipaagas ang tubig ngadto sa COWD.
Namugos ang city hall ulahi na ang pagsulod ni Marcos sa isyu kay nahimo na ang syudad alang niini.
Apan alang sa legal team ni Pangilinan nga wala na’y bili ang gipasiatab nga TRO kay misanong na silang daan sa hangyo ni Marcos subay sa panag-estorya nila ni MVP.
Gibutyag ni MetroPac senior legal counsel Atty. Roberto Rodrigo nga unsa pa’y angay pugngan sa korte nga nagbalik-agas na sila resulta sa panag-estorya n PBBM ug MVP rason usab mo-takeover ang Local Water Utilities Administrtaion o LWUA sa pagdumala sa COWD sa unom ka bulan.
