CAGAYAN DE ORO CITY – Gisaway ug gitawag ni City Mayor Oscar Moreno nga samukan si House Deputy Speaker ug Cagayan de Oro 2nd District Rep Rufus Rodriguez nunot sa kamulo nga pagpanghatag sa ECQ special fund sa sobra gatus-mil ka pamilya nga apektado sa pandemya sa syudad.
Miingon ang mayor nga unta dili na mohimo’g eksena si Rodriguez nga makahatag panglawgaw sa kahimtang sa dakbayan.
Gawas niini,gitumbok ni Moreno kon giunsa sa kongresista ang pag-eksena sa dihang kanhi naigo sa pagbaha ang katawhan sa Brgy Tablon ug Iponan ning syudad sa miaging mga bulan.
Samtang gisugyot ni House Deputy Speaker ug Cagayan de Oro 2nd District Rep Rufus Rodriguez sa DSWD -10 nga mohimo na’g aksyon kabahin sa mga reklamo sa daghang residente kon nganong dili patas ang pagpanghatag sa ECQ special ayuda.
Kini inay nga mohimo’g ‘diversionary tactic’ si City Mayor Oscar Moreno sa pipila ka palpak sa ECQ funds distribution.
Miingon si Rodriguez nga dili angay mangatake ang mayor kay bisan siya ang nanghangyo kang Pres Rodrigo Duterte nga mahatagan sa tabang-pinansyal ang sobra gatus-miel ka pamilya nga grabeng naigo sa ECQ restriction sa dakbayan.
