CAGAYAN DE ORO CITY – Wala pa sila’y ma-trabaho kay gipanghulipan pa sila sa interim management nga tinudlo sa Local Water Utilities Administration o LWUA.
Kini ang reaksyon ni kanhi City Mayor Oscar Moreno nuniot sa subli paglihok sa regular board of directors sa Cagayan de Oro Water District diin sila mitudlo’g acting general manager pinaagi kang Engr Edna Najeal sa miaging semana.
Kini ang pagpasabot ni Moreno nunot sa dugang unom ka bulan nga kamanduan sa LWUA nga pagpabilin sa puwesto ni interim General Manager Fermin Jarales ug sa COWD board of directors.
Siya miingon nga supak sa balaod ang gihimo sa grupo nila set aside acting regular COWD General Manager Gerry Caño kay wala pa sila ilha’g balik sa balaod apan pabilin ang interim mngt.
Una niini,gipamugos ni Caño nga angay nang mohunong sa ilang pagsapaw sa trabaho ang interim mngt kay wala sila’y na-presentar nga lehitimong papeles nga nagmatood sa mga presensya nila sulod sa ahensiya.
Subli nanganti ang set aside regular COWD officials nga kuwestiyonon sa korte ang legalidad sa full takeover sa LWUA sukad sa miaging tuig.
Hisayrang naglugwa’g pahayag ang LWUA nga wala nag-ila sa katudluan ni Najeal kay si Jarales pa gihapon ang ilang gihatagan sa higayon pagdumala sa COWD.
