CAGAYAN DE ORO CITY – Wala kalikay sa batikos ni City Mayor Rolando ‘Klarex’ Uy ang kanhi niya alyado nga si former City Mayor Oscar Moreno.
Kini human gisubay sa mayor kon giunsa siya’g gamit aron mapuslan ug kalit gisalikway.
Gihimo ni Uy ang paglintaya batok Moreno atoll sa ilang paglusad ni Cagayan de Oro 2nd District Rep. Rufus Rodriguez ONE KAGAY-AN,KAUBAN ANG KATAWHAN coalition atubangan sa sobra 8-mil ka political supporters sa Aquilino Pimentel Jr International Convention Center sa Sitio Tagunao,Brgy Indahag sa syudad kagahapon sa buntag.
Sa wala pa nakigpulong sila Klarex ug Rufus, mipirma una sila’g manifesto sa ilang kuwalisyon nga gisakihan sa kandidato pagka-kongresista sa unang distrito nga si Carmen Brgy Kapitan Kikang Uy ingon man ang mga konsehales sa syudad.
Sa pag-diskurso sa mayor, nagpasalamat kini nga hingpit nang nabug-os ang alyansa nila ni Rufus alang sa dugang pagdumala sa dakbayan.
Namugos si Klarex nga igo lang kini gigamit ni Moreno ug gisalikway paghuman nga nakuha na ang kagustuhan.
