(Update) CAGAYA DE ORO CITY – Nabalaka ang Office of the Civil Defense 10 nga mosaka pa ang ihap sa mga tawong namatay gumikan sa kalamidad nga miigo sa pipila ka bahin sa Northern Mindanao region.
Gikompirmar ni OCD 10 asst regional director Gilbert Conde nga anaa na sa 18 ka residente ang namatay diin lima niini ang gihatagan na sa kompirmasyon sa Dept of Health 10.
Siya miingon nga nagsumikad ang ubay’ng nangamatay sa Bukidnon ug Misamis Oriental samtang ang dakong ihap sa fatalities ang gikan sa Misamis Occidental.
Samtang mitala na sa sobra 30 milyones pesos ang damyos sa nagkadaiyang sektor nga gibanlas sa baha dinhi sa rehiyon.
Kini subay sa inisyal nga impormasyon nga gilugwa sa OCD 10.Gibutyag ni Condesa maong buhatan nga kini naglakip sa 11 milyones sa kabalayan sa mga biktima sa baha,sobra 15 milyones pesos usab sa imprasktura ug kapin sa 8 milyon peso sa agrikultura.
Siya miingon nga hayan mosaka pa kini kay kamulo pa ang gihimong damage assessment sa mga lungsod ug syudad nga apektado sa maong kalamidad.*
