(Update 4) CAGAYAN DE ORO CITY – Misaka na sa siyam ka residente ang namatay sa pagbaha nga miigo sa nagkadaiyang bahin sa Northern Mindanao region.
Miingon si Office of the Civil Defense 10 asst regional director Gilbert Conde nga may tulo ka biktima ang nadugang nga naglakip sa duha sa Bukidnon ug usa sa Misamis Oriental.
Siya miingon nga kabahin sa kompirmadong namatay kay nalumos sila Mark Lester Dampas,20,Jestoni Lapat,27, nga taga-lungsod sa Clarin;Fe Sencil;Felicidad Dangcalan nga nagpuyo sa munisipyo sa Jimenez ingon man ang mag-amahan nga si Mario Sambiog,70 ug Elenita Calamian nga gikan sa Oroquieta City.
Nadugang si Lawrence Calejo,18,taga-Brgy San Juan,Gingoog City,Misamis Oriental;Bebing Salindim,47 anyos nga gikan sa Kalilangan ug Melencio Lomanoy,53 anyos,taga- San Fernando nga pulos sakop sa Bukidnon.
Samaron usab sila Jansen Villamonte ug Jeofil Tactocon nga molopyo sa Clarin samtang pabiling missing sila Cristiline Lomo;39;Ronilo Abastas,39;Christal Bella,minor nga taga- nga pulos namuyo sa lungsod sa Jimenez.
Nadugang usab nga missing sila Ronnie Nuñez;34 anyos;Elmer Dilagamar,54;Joshua Dilagamar,26 ug Evelyn Landiyog nga taga-Gingoog City ug Nancy Malanawan,55 nga gikan usab sa San Fernando,Bukidnon.
Mitala usab sa 10-mil 967 ka pamilya ang nahikling gumikan sa kalamidad apan 8-mil 690 na lang ang kasamtangang nabilin sa nagkadaiyang evacuation centers sa rehiyon.
