Gipahibalo ni Patrick Allan Callanta, Disaster Risk Reduction Management Officer sa OCD-10, nga aktibo ang ilang buhatan sa pagpatuman sa mga lakang alang sa pagpangandam batok sa epekto sa El Niño.
Subay sa RDRRMC Advisory Number 2026-12 nga gipagawas niadtong Marso 31, giawhag niini ang tanang local government units ug partner agencies nga hugtan ang ilang mitigation ug preparedness nga mga aktibidad.
Gibutyag ni Callanta nga nagpadayon ang ilang pag-monitor sa mga kondisyon sa panahon, suplay sa tubig ug kuryente, ug paghatag og saktong impormasyon ngadto sa publiko aron malikayan ang mga risgo sama sa heat stroke ug forest fires.
Tungod niini, nagtigom na ang mga hingtungdan nga ahensya alang sa Pre-Disaster Risk Assessment aron tukion ang saktong pamaagi sa pag-atubang sa posibleng kakuwang sa tubig ug pag-ubos sa ani sa mga mag-uuma.
Busa, hugot ang koordinasyon sa Task Force El Niño sa pag-cascade sa mga advisories ngadto sa mga komunidad aron maseguro ang kaluwasan sa tanang katawhan sa drought season.
