CAGAYAN DE ORO CITY- Ipapriso o ipapha sa pamilyang Canoy sa pagka-konsehal si City Councilor Zaldy Ocon dinhi sa syudad.
Kini ang panganti sa pamilyang Canoy dihang gisinggitan ug gitudlo-tudlo ni Ocon si kanhi city mayor ug ex-Mindanao Assemblyman Atty Rueben Canoy sulod sa usa ka hotel ning syudad sa miaging semana.
Miingon ang anak babaye ni Canoy nga si Rhona Canoy nga mismo siya ang nag-andam sa mga papeles aron gamiton pagduso sa kasong administratibo batok kang Ocon.
Una niini,natandog ang mga Canoy tungod sa gihimo ni Ocon sa kanhi mayor kinsa 90 anyos nga walay kukaikog nga gisingkahan atubangan sa mga tawo sulod sa VIP Hotel ning syudad sa miaging semana.
Una niini,nangayo’g pasaylo si Ocon pinaagi sa special report sa sesyon sa city council apan daw gibasol pa niini ang kanhi mayor nga wala una mohatag kaniya sa pagtahod.
