Malipayong gidawat ni National Security Council – Adviser (NSC) Secretary Eduardo Año ang resulta sa Tugon ng Masa survey sa University of the Philippines OCTA Research nga nagpakita nga kadaghanan sa mga Pilipino misuporta sa pagpanalipod sa katungod sa West Philippine Sea.
Matod pa ni Año, kini nga suporta nagpamatuod nga sakto ang direksyon sa polisiya sa gobyerno sa pakig-alyansa sa mga nasud sama sa Estados Unidos, Australia, ug Japan.
Gitataw sa kalihim nga ang diplomatikong pamaagi ug panaghiusa sa mga kaalyado nagpakita sa lig-on sa mga paagi aron mapreserbar ang kalinaw ug seguridad sa rehiyon.
Gisuportahan usab sa katawhan ang pagpalig-on sa depensa sa nasud, ilabi na sa Navy, Air Force, ug Coast Guard.
Gihangop sa survey nga ang joint patrols ug military exercises kauban ang mga kaalyado importante aron maprotektahan ang teritoryo sa Pilipinas.
Si Año nagpasalamat sa katawhan sa ilang pagsalig ug mipasalig nga ipadayon sa administrasyon ang mga lakang alang sa maritime security ug soberanya sa nasud.
