Gidumdum sa gobyerno sa Israel ang ikaduha nga tuig sa dugoong October-7 Attack sa utlanang bahin sa Gaza ug Israel. Si United States President Donald Trump masaligon nga duol na matuman ang GAZA PEACE TALK, samtang kini gipatungaan sa nasud sa Ehepto ug Qatar.
Mahinumduman nga gidawat sa Hamas ang peace deal plan ni Trump, apan, sa unang adlaw sa negosasyon kagahapon, naundang kini tungod sa pipila ka mga pagsupak sa Hamas.
Una nang gipalig-on ni Israeli Prime Minister Benjamin Netanyahu nga dili sila makig-areglo sa mga militante nga maoy nag-una sa pagpangatake ug mao pay mupagawas sa ilang mga kondisyon sa cease fire deal.
Hisayran nga subay sa data sa United Nations, misaka pa sa 67,160 ka tawo ang namatay sa duha ka tuig nga giyera sa Hamas ug Israeli Defense Force sulod sa Gaza, ug pag-atake sa Hamas sa daghang syudad sa Israel.
