CAGAYAN DE ORO CITY – Balik sa kiliran sa pamilya na ang Misamisnon nga nanimpalad panarbaho sa Kingdom of Saudi Arabia (KSA) apan pagmaltrato gikan sa magkalahing amo dihang paspas giaksyonan sa district office ni Misamis Oriental 2nd District Cong. Bambi Emano.
Kini human unang gitaho sa pamilya sa Pinay worker nga si Dhave Achas nga taga-Brgy Natumolan,Tagoloan sa buhatan sa kongresista ang kalisdanan nga nasinatian samtang atua sa KSA.
Gilayong gitahas ni Emano sa iyang distict office staff ang koordinasyon sa Department of Migrant Workers aron masubay ang aktuwal nga kahimtang ni Achas ug kompirmado nga nagka-problema diin nakipuyo lang una sa KSA-based recruitment agency niini sa pila ka bulan.
Unang midangop ug mihangyo sa agency ang biktima nga mouli-balik na lang sa Pilipinas apan dugay ang tiket-eroplano rason nga mihimo na’g aksyon ang kongresista pinaagi sa koordinasyon niini sa DMW.
Gisugdan ang pag-asister kang Achas Hulyo 15 ug pag-abot petsa 26,nakatugpa na sa kauluhan.
Sa kasamtangan,balik-pamilya na ang biktima sa ilang lungsod tungod sa gilayong pag-aksyon sa buhatan ni Emano ngadto sa hangyo niini.
Nagpasalamat ang kabanay ni Achas ngadto sa mga ahensiya sa gobierno ilabina sa district office sa kongresista distrito dose nga nahimong instrumento aron mapasayon ang pag-uli ug naluwas batok sa posibleng dili maayong dangatan samtang atua sa maong nasud.(📷Mike Beja/CJ Abangan)
