CAGAYAN DE ORO CITY –Mitala na sa labing una nga kaso sa coronvirus disease positive ang lalawigan sa Misamis Oriental.
Kini human kompirmaha sa Bombo Radyo ni Misamis Oriental Provincial Health Office Officer Dr Jerie Calingasan nga usa ka oversease Filipino worker ang nag-positibo sa maong sakit.
Miingon si Calingasan nga sa subay sa gipahibalo sa Libertad Municipal Disaster Risk Reduction and Management Council nga ang maong pasyente ang unang miabot sa Laguindingan Airport niadtong Hunyo 6 ning tuiga.
Hinoon,gilayong gi-deritso sa MDRRMC ang OFW diin gitratar na nga person under investigation tungod sa pagbaton sa ubo ug pagpanakit sa tutunlan nga sintomas sa COVID-19.
Gipaubos ang pasyente sa Rapid Diagnostic Test ug RT-PCR pinaagi sa swab testing diin nakit-ang nag-positibo sa bayrus ang panglawas niini.
Bisan dili kritikal ang pasyente apan gipadala pa gihapon kini sa Northern Mindanao Medical Center sa pagsiguro nga matutukan ang kahimtang sa iyang panglawas.
Dugang ni Calingasan nga kini ang pinakaunang kaso nga natala sa Misamis Oriental sukad nasudlan sa bayrus ang Pilipinas sugod niadtong Enero 2020.
