CAGAYAN DE ORO CITY- Gipasalig sa SAFE FUTURE Manpower Agency Cagayan de Oro Branch nga dili pasagdan ang ilang trabahante nga gipadala nila isip domestic helper didto sa Kuwait.
Kini human unang nagpatabang sa Bombo Radyo si Jinalyn Atienza nga taga- Wao,Lanao del Sur tungod sa giingong pagpugong sa agalon niini nga makauli pabalik sa Pilipinas.
Gibutyag ni Myriam Antipas,manager sa maong kompanya nga nakurat sila sa gihimo ni Atienza nga nagpa-extend sa iyang trabaho sa unom ka bulan nga wala magpahibalo ngadto sa ilang opisina sa Kuwait.
Kini ang hinungdan nga gilayon nila gitawagan ang amo ni Atienza aron mapadali ang pag-proseso sa plane ticket pabalik sa Pilipinas sulod ning bulana.
Hisayrang mipalag usab si Antipas sa mga dili maayong komento sa Facebook dihang nag-viral ang video ni Atienza tungod sa giingong sitwasyon niini didto sa Kuwait.
